$1可以星期六買旗仔做善事，可以買粒白兔糖，可以擲公字……仲可以做啲乜？認真有難度，現在這個消費澎湃的年代，難道還奢望$1能夠買個菠蘿包咩。如果話你知$1可以買件Tee，相信你恨不得將T恤掛滿整個衣櫃，日日換新款。Oldies的老闆阿權才20出頭，從東南亞入了貨，專賣二手古着衣服，今次來個殺價大開倉，誓要回饋顧客，各位，仲唔打開個豬仔錢箱拎晒啲$1大餅出嚟掃貨！
記者：黃若茵 攝影：譚盈傑
模特兒：Jacky（StarzPeople）、Cannis（Salvador）
爽朗背心
踏入夏天，氣溫開始升高，男生特別容易焗出一身臭汗味。不如穿起背心，感覺爽朗一點之餘，亦可避免焗汗，嚇怕女生。除了啱晒夏天的白色外，另有紅、藍等顏色供選擇。
領下兩扣Tee
不甘平淡，覺得簡簡單單一件Tee太普通？於衫領下加多兩粒鈕扣，便可於平淡中多點fashion味道，多看兩眼，亦似棒球手的服裝，實是一件襟睇又襟着的Tee。
大路Tee款
今個開倉老闆預備了100件T恤，紅橙黃綠青藍紫，任君選擇，如此大路的款式，總要買番兩件看門口。
至潮格仔
當然香港有不少女生都愛古着，但打開日本的古着雜誌，男性模特兒佔8成，真浪費。女生穿起古着就是多了點男仔頭的味道，開朗活潑。如果着格仔恤衫時扣少幾粒鈕，還可增添性感的女人味。今次格仔恤衫更以二手名牌Wrangler為主，有多款格仔及直條圖案。
型仔配件
女裝皮帶
皮帶的剪裁跟一般的低腰皮帶有異，主要為長度較短，適合扣在肚臍腰間位置，女生襯貼身上衣一流。
日貨太陽鏡
不要問為何整個開倉都咁抵，唯獨太陽眼鏡會咁貴，因為這是老闆親身由日本代官山入貨，成本都有番咁上下。有金屬框及膠框，鏡片顏色則有紅色、綠色及黑色。
型格cap帽
cap帽是型仔型女衣櫃必備的潮物，夠型格又易襯衫，有十多種款式，其中以紅白藍3色相配那款最搶眼。
Model都要搶
兩位model到場後，發現竟有如此平價的潮物，仲唔搶定先咩，睇吓佢哋揀咗乜！
開倉資料：Oldies
開倉日期：即日起至5月30日，只限3天
地點：銅鑼灣耀華街28號1樓
時間：1:00pm-11:00pm
電話：25758775
備註：$1Tee每人限買兩件。
