索K歌手同姐仔二胡拍咗拖幾年，關仁聽聞二胡對男友情深一往，一早已經同佢住埋，奈何佢好揀唔揀，揀中件花心蘿蔔，索K歌手成日瞞住女友偷食，但次次都被二胡踢爆，搞到二胡心都淡埋，結果都係揮慧劍斬情絲，早排已經執埋包袱搬離愛巢，不過二胡對索K歌手有情有義，為咗唔想對方再有負面新聞，二胡竟然繼續做大龍鳳，扮同索K歌手情不變，真係唔話得。