最近進軍歌壇嘅廖碧兒，好多時出席公開場合都大晒歌喉，佢噚日同鄧健泓去咗葵芳義賣糭，廖碧兒除咗踎喺隻大糭旁影相外，又首次演繹新歌《分手》。廖碧兒話以前喺外國好少食糭，少食多滋味，但都唔怕會肥喎，佢話：「可以食紅米包嘅糭，健康啲。」鄧健泓就自爆下個月會接拍無綫新劇《夕陽無限好》，佢會喺套劇入面扮鴨。