甫士王：薛凱琪扒龍舟醒神

身為「誓師大使」嘅薛凱琪噚日為一隻長32呎嘅龍舟主持點睛儀式，仲扮扒龍舟。心情大好嘅薛凱琪一早收到唱片公司高層向佢報喜，話佢首新歌《糖不甩》榮登港台歌曲播放榜第一位。原來呢首歌係由薛凱琪緋聞男友方大同作嘅，所以佢收到呢個好消息後就第一時間傳咗個短訊畀對方，同方大同一齊分享喜悅。