最近無綫劇集《火舞黃沙》收視下滑，亞視藝員陳啟泰還批評《火》劇晚晚用黃色，令劇中四位靚女全變黃臉婆，雖然新聞一出街帶挈《火》劇一班演員成為風頭躉，但他們都要四出宣傳力挽不斷下跌的收視。
騷手術大疤痕
黎姿、陳豪、黃德斌及陳淑蘭昨日就到了將軍澳電視廣播城亮相無綫節目《百法百眾》。談到《火》劇收視下滑時，陳豪跟黎姿都有口難言，只是說：「冇失望，對收視有信心。」對於被陳啟泰指黃臉婆，黎姿說：「我都會嫁，遲早都變黃臉婆㗎啦。」黃德斌還力撐說：「黃色就黃臉婆，咁論外表，佢哋睇慣黑白片，人哋講乜嘢唔緊要，總之我覺得《火舞黃沙》出咗之後，娛樂圈好多聲音好熱鬧。」
另外，陳淑蘭前晚和朋友夜蒲蘭桂坊，昨日還去到電視城出席《百法百眾》錄影，認真精力旺盛，她還向記者展示腳部去年做手術後留下一條大疤痕，說自己沒胸部靠美腿食糊，但現在已變得很肉酸。
採訪、攝影：卓寶花