「蜚聲國際」的華裔女星白靈，近日去咗康城宣傳佢有份主演嘅參展電影《SouthlandTales》，佢話次次約傳媒影相都會為大家帶嚟驚喜，佢日前就着咗條deepV裙，擘開雙腿，真係唔慌唔驚喜囉，皆因細路仔睇到驚，阿伯睇到喜嘛！ 對於成日喺鏡頭前刻意走光，白靈話：「我是naturalhigh（自然亢奮），不在意這些事。」白靈遲啲拍《上海寶貝》，片中會有兩個情人，一個係尹子維扮嘅性無能男子，另一個係畀到佢性愛慰藉嘅德國情人，但𠵱家角色仲未有人選，白靈話：「其實我的生活經驗都比電影豐富多了。」