劉德華赴台做皇帝

劉德華一向好錫啲歌迷，得閒就會同歌迷見面，噚日佢由香港飛咗去台灣高雄，出席「華仔天地」歌迷會活動，有大約200個歌迷接機。着住白衫同牛仔褲嘅華仔不停收歌迷送嘅禮物，離開機場就即刻去酒店出席聚會，之後趕去台北同另一批歌迷見面。華仔話成九個月冇去台灣，好掛住豆漿同粢飯，經理人就答應會滿足佢嘅口腹之慾喎。