「日間小巴司機開車正路啲，由觀塘到荃灣大約25分鐘左右，都幾安全；但一到夜晚，好多司機都會飛車，有時17、18分鐘未夠就飛到荃灣，真係快得好恐怖！」經常乘搭該條小巴線的梁先生，對警方嚴打亡命司機十分讚賞。
「啲小巴高速在路中飛馳，一時緊貼前車，一時左右轉線爬頭，見過有乘客在小巴左穿右插時失平衡跣出座位，我哋夜晚坐車都唔敢瞓覺，雙手揸緊椅柄先有安全感啊！」梁先生講述他每晚的生死時速經驗。
另一位乘客江先生亦指有些司機視車速顯視器為無物：「有啲年紀大嘅司機聽到車速顯視器響起，都會即時收油慢一慢，但有啲後生仔司機聽到車速顯視器響起，見乘客冇乜反應就會繼續飛車，有啲乘客怕麻煩唔敢出聲，等於縱容司機亡命飛車！」 本報記者