鄭嘉穎、陳敏之和殷櫻等，昨日到沙灘宣傳新劇，眾女藝員穿一件頭泳衣打底，然後外穿背心，只得殷櫻大方以bratop泳衣上陣，即成為全場焦點。陳敏之表示今次先露修長美腿，直至劇集收視達40點才會以泳裝示人。
無綫劇集《飛短留長父子兵》眾演員鄭嘉穎、陳敏之、殷櫻、譚小環和黎耀祥等，昨日趁陽光普照到赤柱正灘玩風帆宣傳新劇，但女主角陳松伶發燒缺席。
演員分兩組揚帆出海比賽，鬥快返回岸，眾女藝員則在岸邊打氣，黎耀祥顯得笨手笨腳，十分搞笑。而早前弄傷膊頭的鄭嘉穎則要趕往睇醫生。
40點收視露多啲
女藝員中以身穿bratop泳衣的殷櫻最性感，搶盡風頭，玩遊戲時她又有意無意地向前傾，上圍更見突出，連站在遠處的男途人都站在欄邊眼望望。相比之下，陳敏之和譚小環就較密實，穿背心超熱褲的陳敏之說：「我件衫入面有泳衣㗎，如果收視到40點，咁我哋班女演員就着泳衣露上身啦！今日我就露住招牌腿先，如果咁快出動泳衣就冇驚喜。」對於殷櫻偷步穿泳裝，陳敏之說：「唔知呀，我同監製夾咗嘅。」
殷櫻則表示不介意穿泳衣宣傳，她說：「監製話今日要水着嘛，我都只係着咗上半身啫，如果真係40點我咪除埋下身囉！」殷櫻又表示不怕被指搶鏡，她說：「唔會，游水都係咁着㗎，我又覺得冇所謂，就當曬太陽囉！」
譚小環儲肥自己
至於現時只得98磅的譚小環都支持收視達40點才穿泳衣示眾，她說：「我全個身都瘦咗，啲人叫我着番件長袖衫呀。我覺得有就要露，唔好收埋。等我食番肥啲先再着（泳裝），相信40點我就肥番啲喇！」
採訪：王連連 攝影：陳慧安
