+10終於明點玩，我上網亦有玩，一來可以參加世界盃抽獎，二來可以整張同10個球星嘅大合照，都幾過癮。我嘅心水陣容如下：我做龍門，寵兒亨利、舒夫真高、巴治奧做前鋒，夠快又扭得；馬勒當拿、謝拉特、朗拿甸奴踢中場，一個字，勁！有世界最佳後防線馬甸尼搭泰利、盧斯奧再加卡富，我食住薯片守龍門都無問題，失球？我班入球機器會自動幫我搶番分，未驚過。至於玩Winning，我嗰陣就唔係咁打，由於技不如人，我只會打一個箭頭，六七個守晒後面，打突擊，係入唔到波，守和你都好，我試過用呢個陣打聯賽，和多場計得失球，贏盡班大男人，幾威！係符碌，慘得過我唱足9年，再挑我？唔好啦，贏一次就夠啦！
