李嘉欣昨日出席鑽飾活動，示範2000多萬元鑽飾，並獲贈1卡以她的生日620為編號的印記美鑽紀念。嘉欣表示近日愛穿三點式到無人島滑水，明白難避免狗仔隊偷影，只望不要拍下走光照。
穿上一襲粉紅色低胸裙的李嘉欣昨日往中環四季酒店，出席珠寶品牌adler與DTC鑽石商貿公司合作舉行的「TreasuredMoments」鑽飾預展活動，示範合共2000多萬元鑽飾，包括一枚重達17卡、首次曝光的Forevermark印記黃鑽，之後大會送贈1卡的DTCForevermark印記美鑽給她，並印有她生日日期（6月20日）620印記編號作為紀念。
贊成及時行樂
問36歲的李嘉欣收藏美鑽的心得，她說：「第一粒鑽石係我入行之後儲錢買畀自己嘅，而第一粒人哋送嘅就係屋企人，重質唔重量。」
曬得一身古銅膚色的嘉欣表示近日愛上滑水，問她不怕曬黑及出斑，她笑說：「人生苦短，想做就去做，不過會做好防曬功夫，預防出斑，同埋返屋企冰封做mask。我一向鍾意做運動，做gym對住機器會好悶。」
問嘉欣滑水不怕被狗仔隊偷影？她說：「平時我去無人島滑水，滑水時都會着三點式，三點式都冇乜嘢唔見得人，狗仔隊都好難避免，不過最好唔好影到走光照，我平時曬太陽都會解開條帶曬。」問嘉欣會否裸曬？她回答說：「唔敢。」
此外，提到萬寶龍已婚高層詹兆安陪伴嘉欣購物的緋聞，她說：「係之前出席上海活動，之後送禮物答謝。影到我哋好似二人世界，但係我哋係冇可能嘅。」
採訪：FredaLee
攝影：ChenWaiOn
