兩星期前朋友告訴我3個單位將來港：Coldplay、BlackEyedPeas及RobbieWilliams，Coldplay貴飛要700多元，我比較有興趣的是「羅拔仔」，但最貴要$1,680。嘩，我「朝聖」看大衞寶兒、滾石都是各700多塊錢罷了，這些嬉戲音樂，你何德何能收這個價錢？
唔認老點得，呢期最感動是聽鄉謠大師JohnnyCash，起因當然是因為剛看過《弦途有你》（WalktheLine），以戲論戲不算頂級，製作模式更百分百參考《Ray》，又係講音樂大師都係人，會犯錯，看到尾原來都是愛情/倫理故事！主題老套，演出卻是絕頂。成本輕收入好，荷李活將陸續開拍IggyPop、KeithMoon、IanCurtis、JanisJoplin、MarvinGaye，這些Legend有吸毒有同性戀有自殺，故事性實豐富，這令我想起《南海十三郎》，係喎，香港版有無得諗？香港歌手……個個話連拖都無得拍，仲有人認係「處男」，點拍？