闊別舞台12年的周慧敏前晚重踏紅館台板，對喜歡她的歌迷來說，可謂等到頸都長，難得一眾歌迷均表示不論她復出或再退出娛樂圈都會支持。
何先生 33歲
「我鍾意咗Vivian13年，我等佢開騷等咗10年，會睇足三場，如果佢着嗰套宮廷衫我都想睇，假如之後佢決定再退出，我會支持佢嘅決定。」
Rie 22歲
「我係睇電視劇《大時代》嗰陣鍾意佢，最鍾意嘅歌《如果你知我苦衷》。就算佢唱完今次封咪，我都會尊重，下次佢可能又為貓狗籌款出嚟表演。」
朱小姐 22歲
「我會睇兩場，最鍾意佢首《最愛》，不過我就唔係咁鍾意佢着嗰套宮廷服，太性感。佢咁耐都保持得咁靚，氣質係新一代冇人可取替。」
