大家可能已經唔記得咗歐寶Corsa呢款車，它比起它的對手標致206差得甚遠，只怪前朝代理的功力不夠，未能令它在香港創一番事業；但係喺歐洲佢又好紅，差唔多去到邊都見到喎，我諗今次廠方幫佢出埋新Version之後會更加Hit。新車仲係用Hatchback小車呢種Style出現，但係整個Look都比以前Smart得多，至少車身線條有肌肉感吖！車廂鋪排又唔差，大玩CyberFeel，引擎配搭也有1.0至1.4供用家選擇，梗有款啱你嘅。
記者：鄭達基
做錯事應怎辦
今期《AutoEXPRESS》嘅過癮題目甚多，當中我最鍾意嘅係呢個講「如果我哋喺揸車嗰陣，做錯事時的解決辦法」；其中一個Topic就係講入錯油，佢哋話喺每300,000名司機中，就會有1位曾經試過入錯油，佢哋仲話如果一部使用無鉛汽油嘅汽車入錯柴油的話，會對引擎的組件造成破壞。所以當發現入錯油時，先不要嘗試啟動引擎，並要即刻Call車房幫手。