食嘉湖糭要正宗新鮮，一定要到呢間渣甸坊小舖，由老闆親自炮製，唔似其他舖頭批發入貨，由早到晚不停包，再放入旁邊嘅大爐蒸煮。眼見張先生唔使1分鐘就包好1隻，訪問期間都絕無停手。除咗功架，餡料就特別選用全隻豬最靚嘅脢頭肉，鹹蛋亦經過特別醃製，當中加入花雕同糖醃過夜，味道更濃，仲有豆沙餡料，加入桂花，齋聞都香。
新三陽南貨號（28829390） 地址：銅鑼灣渣甸坊58號C及D地下
