採訪日撞正落雨天，影唔到靚相，搞到我錯失欣賞兩位世界級高手大顯身手的機會。Dustin同Mike專程來港到柴灣露天場獻技兼交流，可惜老天爺唔多畀面，落足成日雨搞到要轉去一個只有平地的室內場，令人大開眼界的表演場面自然欠奉，好在兩位仍然肯喺惡劣嘅密室裏面落力表演，欣賞唔到國際級技術都感受到國際級體育精神。
記者：黃藹瑩
攝影：陳盛臣
落力出招
影相先嚟落雨，個天擺明玩嘢！Dustin同Mike無機去唔成柴灣露天場顯身手，惟有改喺室內有限空間表演，不過場地雖然重細過我中學個操場，但佢哋依然無欺場，專業BMX選手Dustin玩咗招FunkyChicken，喺露天場表演應該有更佳視覺效果；玩滑板無個台始終唔夠睇頭，不過見Mike咁落力整招KickFlip，算有交代喇。
FunkyChicken
KickFlip
專業選手來港交流
兩位高手因乜千里迢迢嚟香港？EckoDistributionLimited亞洲區零售及市場推廣總監Roy話：「比起歐美，香港街頭文化仲未夠成熟，所以同RedBull、ZooYork呢兩個街頭文化代表品牌合作，搞咗呢個『LocalHeroTour』活動，等本地選手有機會同國際級BMX、滑板選手互動交流。」（記：記者，D：Dustin，M：Mike）
記：何時成為專業BMX/滑板選手？
D與M：1999年。
記：現在與未成為專業選手前，有何分別？
D：現在大條道理日玩夜玩、日練夜練，無時無刻都同部單車一齊，技術進步得快好多，當中JayMiron（專業BMX選手）幫了我不少，現在要Keep着專業位置就比以前多了點壓力。
M：成為專業滑板選手後，每日有半日時間都玩滑板，因為要練習更多的花式嘛，不過我本身好喜歡這運動，好Enjoy成為專業選手，可以一心一意每日練習。
記：怎樣看香港街頭文化？
D：我首次來港，香港天氣令人好辛苦。其實好期待今次來港表演交流，因為之前未有接觸過任何亞洲選手，作不了甚麼評論，不過大家都熱愛BMXStreet的話就足夠。
M：第一次來，香港是個恐怖地方，人太多天氣太悶壞。香港選手怎樣？未有機會碰到所以未知。之前與日本、中國與東南亞其他國家選手玩過，他們技術不差，我估香港街頭文化比不上歐洲，不過應該都發展得不俗。
記：家人、女友是否支持你當專業選手？
D：家人會擔心，因為受傷機會太多，不過都好支持。做專業選手要周圍飛，女朋友通常不會明白，所以我現在無女朋友，也不打算找個志同道合，你知道嗎？玩BMX的女孩身形好健碩，沒靚女，不會考慮。
M：太太好支持，她很欣賞我，哈哈。現在有了個兩個月大的女兒，一樣玩得好投入，一樣不錫身，不過就一定會盡量預留多點時間陪家人，如果女兒長大後有興趣玩滑板，我一樣會栽培她。
記：最深刻的選手、賽事或自己表現是……
D：JayMiron同JasonEnns都是我欣賞的選手，去年於RedBullDrenaje中的表現都幾滿意，我成功做到高難度動作NofootCanCan，即凌空踏單車轉身三周。
M：TonyHawk的900，太Amazing了，到現在我還未能做到。
LocalHeroTour（SK8-BMX）
日期：5月26-28日
查詢網址：www.redbull.hk/localherotour
新Tee速遞
係咪X-Game擁躉都會着Tee，ZooYork今季唔知係咪玩死亡崇拜，新Tee系列全部有骷髏頭；Ecko都有推出與黑人Rapper50centsCrossover的G-Unit，又唔知各Tee迷啱唔啱睇？
售賣點：i.t（25040025）
售賣點：eckounltd（29180113）
