身邊的朋友近日問得最多嘅一定係：你睇咗《達文西密碼》未？
先別理蒙娜麗莎本身是否達文西嘅自畫像，也不理樞機主教不滿，站在女性角度，我覺得蒙娜麗莎有齊今年美容界潮流特徵──nudelook和中間分界。都唔知今季潮流係參照蒙娜麗莎，抑或達文西畫蒙娜麗莎時已可以預知今日扮靚趨勢？既然今期蒙娜麗莎大熱，就以佢作藍本或化個密碼妝去睇《達文西密碼》，潮爆！
記者：馬靜兒
攝影：譚盈傑
Model：Sylvia&Bolum
Warodefrombread&butter
神秘數字現形
化密碼妝咪亂嚟，咪以為胡亂在面上畫幾個字就得，LANCOME化妝師Don說：「因為要喺面上畫圖案，所以要將塊面化成無瑕疵嘅『白紙』，不可用帶閃亮效果嘅粉底，最好選遮瑕度較高嘅。由於全個妝嘅重點係密碼，其他位置就不能喧賓奪主，基本上係在一個nudelook加密碼，配合電影的時代背景，以啡金色主調營造中古時代的感覺。」ModelSylvia說這個密碼妝都幾有神秘感，下次開party會試試。
編碼硬件
（AllfromLANCOME 28697518）
秘技
1.粉底宜選mattelook，才能將面頰變成一張畫紙，方便畫上密碼。
2.眼部應注重勾畫輪廓，眼影顏色應以metallicbrown為主，忌用鮮色，否則會搶去面上密碼的視線。
3.平日出街可只畫上一行細的數字，去party就可以誇張一點，玩層次。
4.大圖案較難勾畫，可先在透明膠片上𠝹出密碼圖案，再以海綿蘸眼影印上面。
現代蒙娜麗莎 勁Nude
CHANEL化妝師Amos說：「不用刻意以遮瑕膏遮面上色斑，因為nudelook以自然透亮為主，少少斑無問題。另外，切忌塗上超濃密和增長睫毛液，普通較持久的睫毛液已足夠，總之妝容化咗要似無化，否則失去蒙娜麗莎嘅神髓。」ModelBolum笑說好喜歡這種nudelook，貪佢唔誇張，好自然，不過，扮蒙娜麗莎出街就冇諗過。
模仿硬件
（AllfromCHANEL 27363099）
秘技
1.以腮位試粉底顏色，選較貼近頸項顏色的粉底。
2.Nudelook宜用眼線筆畫眼線，感覺較soft。
3.要唇色自然，用遮瑕膏打底，可遮蓋唇紋。
蒙娜麗莎的中間界
扮蒙娜麗莎，除了要化nudelook，中間分界亦是她的招牌髮型。如果你本身是梳側邊界，要改髮界，最好先將頭髮噴濕才用風筒吹。髮界可能未必能在一時三刻間改變，在最初數天可在睡前用髮夾夾實，或由頭髮中段以髮蠟塗至髮尾定型。服飾方面，着黑色衫都能有少少變奏，可改穿短袖，記得唔好戴飾物呀，否則失去那種神秘的味道。
