4800、26、12、9……在王賢誌（Vinci）這一系列的「TheVinciCode」中，道盡他入行的奮鬥經歷。12年前，太子爺王賢誌毅然跑到無綫當藝員，由二打六做起，月入$4,800，經多年努力，終憑劇集《火舞黃沙》而獲得認同，平反了他靠關係上位之說。
在加拿大UBC大學市場學畢業的王賢誌，12年前經前無綫高層趙崇文引薦，成為基本合約藝員，月薪$4,800。雖然Vinci是王氏港建太子爺、東華前主席王忠桐長子，但當年還是由二打六做起。
Vinci表示：「初入TVB，做過唔少太監之類嘅茄喱啡，又做過綜藝節目男escort，book我10個鐘頭先出一個鏡頭嗰種，如果我真係靠關係，使乜等12年？」不少人認為他跑到無綫捱騾仔，是「攞苦嚟辛」，這點Vinci也認同：「我都有咁諗過，同其他同學比較，自己人工咁低，不如幫屋企手好過啦！但我對呢行太投入，既然半隻腳踩咗落去，不如畀啲時間試一試！我承認，係屋企環境令我無後顧之憂，可以好放任咁實踐理想。」
憑實力上位
皇天不負有心人，Vinci最近憑《火舞黃沙》中飾演林保怡胞弟閻萬天而備受注意，在無綫網頁「我最喜愛的角色」投票區中排第九位，努力12年，總算有點成績。王賢誌說：「出嚟反應幾好，畀到我前所未有嘅感覺。當然，我從冇寄望可以做到一線小生，也知道做主持或者司儀先至係強項，但有機會嘅話，一定要嘗試，盡力去做。」
採訪：戴彩煥 攝影：陳俊強
化妝：CathyLau@BeautyTech 髮型：DerekWong@Hair
