鄭中基、傅穎、楊愛瑾及吳京等一班《黑拳》演員前晚在灣仔出席煞科宴，Miki在戲中要打吳京，二人又有接吻戲，Miki說：「算係我螢幕初吻，之前《龍咁威2》都係黑影交代，佢OK好咀啦。」問她事前有否刷牙？Miki說：「咁又冇，𡁻香口膠咋。」Miki表示拍打戲時很怕被打傷，她謂：「吳京話整傷我就娶我，冇人要都娶我。」吳京就以普通話解釋說：「不是，是她用棍子打我，如果她打傷我，要她娶我才對，我要嫁給她。」
屙到七彩
Ronald因腸胃不適肚瀉，只逗留一會便趕往看醫生，他說：「可能今朝食錯嘢，我屙到冇嘢好屙。」提到拍該戲時弄傷腳，Ronald說：「場戲我要踢個內地演員，佢之後要避，點知我未踢佢就避，我踢空氣，所以拉親韌帶，唔係好嚴重。」
採訪：胡比 攝影：陳慧安