鄭融、2R、和劉浩龍昨日在銅鑼灣出席「ChivasX葛民輝製造足球Gear」活動，為大會設計了球衣等用品的葛民輝亦有出現，各人在台上大展腳法。2R和鄭融的服裝均十分出眾，Race穿上短裙踢波險走光。眾人分兩隊作賽，最後由葛民輝帶領鄭融的一隊勝出。
Race表示已穿上打底褲，故不怕走光，她說：「我知道呢個活動要踢波，呢條係網球裙，入面連埋一條同色嘅打底褲，所以個台幾高都唔怕。不過我唔識踢波，頭先冇分真係瘀。」
密實鄭融暗寸
相反平時打扮性感的鄭融密實上陣，她說：「我唔想走光，平時出席活動前我一定會問清楚做啲乜，然後揀適合嘅衫，蝕底嘅嘢我唔做。」另外，剛約滿正東唱片公司的鄭融，昨日和舊同事劉浩龍同台，她表示並不會尷尬。
採訪、攝影：王連連