謝賢昨日帶着哈利車隊拍一場與金燕玲結婚的戲，穿低胸裝的張文慈主動要求坐他車尾去兜風，性感的葉璇與金燕玲又坐他大腿，四哥可謂艷福無邊，他自豪謂每個女友都再見亦是朋友，希望他日全部齊集瞻仰他遺容，還指霆鋒周旋於王菲與栢芝之間而鬧得滿城風雨，十分不濟。
謝賢及金燕玲昨日在大埔一間餐廳為亞視新劇《情陷夜中環2》拍攝一場婚宴戲，四哥騎着哈利電單車架勢地帶着車隊到場，張文慈及葉璇又以性感裝束示人，張文慈甫見四哥即主動要求試車，要四哥載她走一轉，她上車時吊帶裙幾乎被風吹起，險些走光，後來葉璇到場，與金燕玲坐四哥大腿，可謂艷福無邊。
葉璇晒契爺鑽鏈
四哥一見葉璇即指着她的心形鑽石頸鏈說：「契爺（鄭裕彤）送㗎？我同你契爺好熟㗎。」後來談到鄭裕彤送的心形頸鏈，葉璇即風騷地說：「年幾前送㗎，乜嘢事送我唔記得，我有送番嘢畀佢，送過件冷衫。」
談到結婚，四哥表示自己從未求過婚，問他有否向現任女友求婚，四哥說：「我結咁多次婚都未求過婚，好自然話結就結，離就離，咁老土點講出口呀？」有指謝霆鋒翻追張栢芝，問四哥可否過兩招給他，四哥說：「我哋唔係好熟㗎咋，我哋兩兄弟唔過問感情事，唔方便畀意見。」有說四哥多女友也不煩，霆鋒有王菲及栢芝已煩到極，四哥說：「佢只係嗰兩件已搞到滿城風雨。」
新歡舊愛分身家
四哥又自豪謂以往每一女友分手後都可再做朋友，他又說：「做人心胸要廣闊啲，我每次分手都做到朋友，將來我死咗，叫晒啲女友嚟瞻仰我遺容，我有身家就分晒畀佢哋，可惜我冇。」
撰文：丁寧
