鄭融一向走跳舞歌手路線，舞技應毋庸置疑，自認記性一般的她表示每次綵排新舞步都十分緊張，故比其他人需要更多時間練習。
日前鄭融排練新歌《Honey》舞步，每次到排舞室她一定會帶備排舞三寶，包括大毛巾、人字拖和discman，她說：「大毛巾係用嚟抹汗，discman就係去排舞室之前聽歌用，人字拖就係跳完舞即刻換㗎，因為次次跳幾個鐘，跳到對腳好攰。」
回家再練習
鄭融表示每次都要助手用DV為她拍下排舞情況，回家溫習，她說：「排一隻新舞步有好多steps，一晚係冇可能記得晒，而且有時啲動作做得唔夠好，所以錄低佢不停睇係最好嘅溫習方法，仲可以好清楚睇到自己有乜嘢動作做得唔好。」
採訪、攝影：李珮洳