港股噚日又跌百二點，成交縮到得番300億銀樓下，都唔知係因為後市方面未明，投資者唔敢入市，定係連基金經理都唔做嘢等睇世界盃，總之一句講晒，就係好悶咯。
小初昨日留意到，向來股價相當穩定的黛麗斯（333）無端急跌。經紀黃話，黛麗斯股價下跌係事出有因，唔係無端白事。
原來生產胸圍同埋內衣的黛麗斯，剛喺自己公司網站發表關於今年頭3個月的一些營運資料，講明首季的經營利潤麻麻，原因係去年10月至12月期間出現的中歐紡織品配額爭議，公司要將歐洲定單由大陸轉去其他地方生產，令加工費用同埋運費等經營成本上升，盈利受到影響下降。
有大行分析員睇完資料後，隨即調低黛麗斯的目標價，導致昨日股價下跌。
黛麗斯昨日最低見1.46元，收1.50元，大跌10.18％，成交股數376.2萬股，金額575.39萬元。
慕容小初