𠵱家潮流咩都興大大件，就算食芒果都要揀特大的水仙芒先至啱胃口。剛剛在這星期返貨的特大水仙芒，產自台灣，在5月尾至8月都是盛產的季節，單是長度都經已有8、9吋長，再經磅一磅，每個都有3、4磅，都咪話唔重量級。
硬實中帶彈性為佳
你唔好見佢表皮還帶有點綠，以為食落會好酸，其實切開好鮮甜，加上皮薄核細，買1個都夠全家人一齊分。而水仙芒除了可以作鮮果直接食用外，還可以切片或切粒後加入菜式中，用來炒牛肉或雞柳也是不錯的選擇，酸酸甜甜，夏日就至開胃。而揀的時候，近蒂的地方要感到硬實及有彈性就最好，過硬或過軟都不宜選擇，而熟透的芒果亦不宜久存，可放入冰箱內冷藏。