黎淑賢同盧惠光呢對離婚夫婦噚日都去咗清水灣片廠，為亞視嘅《萬眾同心賀台慶》拍嘢，無論錄影定係大合照，佢兩個都一人企一邊，冇機會接觸，唔知係電視台咁啱得咁蹺，冇機會畀佢哋埋身，定係佢兩個自己刻意保持距離，當黎淑賢被問到有冇同前夫打招呼，佢顯得有啲唔自然，仲話：「好難答你喎，唔識答你呢個問題。」
