正忙於舉行舞台劇《萬世歌王》的詹瑞文昨日小休一天，到商台接受訪問，他說：「因為今次個舞台劇唱好多歌，就算個人唔使休息，把聲都要停下，遲啲整個9月我仲會將《萬世歌王》同《男人之虎》呢兩個劇一齊做。」
感精神分裂
問阿詹兩劇同時進行會否感到精神分裂？他笑說：「《萬世》呢個劇都好精神分裂㗎，入面我扮好多個歌星，好似郭富城、古巨基同側田等等。」阿詹希望能請到被他模仿的歌手到場欣賞，他說：「郭富城都話會嚟睇，之前劉德華、梁詠琪都嚟咗睇。」
問阿詹密密做騷，是否賺到盤滿缽滿？他說：「好多人都會咁諗，但係因為我哋係一個劇團，做好多其他唔同嘅劇，好似我老婆最近做嘅劇，場數較少就會蝕錢，好嘅劇就要用嚟幫補啲另類題材嘅劇。」
採訪、攝影：胡比