身邊有不少的朋友也在雨季來時換新輪胎，希望有更好一點的路面抓着力。個人認為，與其換胎，不如留意胎氣是否過多，因為胎氣過多會令抓着力下降。
同事攝影師Ringo是個好例子，他常說自己的LancerMR「不夠彎」，所以換上名廠出品的Brake碟和車胎，但仍說不夠。吓，唔夠？你又不是狂熱飛車分子，點會唔夠？試開你的車，便知道原因。雨天用較大的力度踩Brake，ABS雖介入，但部車仍向前滑，不可能煞停，好明顯，胎氣有問題。胎氣竟然在32-34磅左右，打到咁脹，去游水咩。雨天行駛，28磅胎氣係較好嘅設定，穩定好多。
Ringo，請不要追求名廠改裝，你連設定也未熟悉，就學人開快車和改裝，真係好危險。問我有甚麼改裝好介紹，我答不到你，因為人人對汽車也有不同的要求，有人要跑，有人要耐用。汽車講求整體設定，不是買些名牌改裝件，就有出色操控，換咗就好揸咗，好多時都係心理作用，聽講你最近又換咗彈弓同防傾桿，咁你有無諗過支吸震筒同個車架頂唔頂得住。
記者：袁國基