黃耀明前晚為Roadshow《紅人館》訪問何韻詩及組合at17，明哥透露近日除宣傳外，也要抽時間為西九龍文化諮詢提供意見，他說：「周梁淑怡搵我代表演藝界去出席會議，政府仲請我參與重建觀塘會議，所以我要花好多時間睇大堆文件，去同啲官員開會，呢啲工作好有意義，自己又學到多啲嘢。」
天怒人怨
問明哥會否從政，他表示自己沒有政治智慧，絕不會全職做政客，他又踩現時香港領導人及政客沒有政治智慧，明哥說：「係智慧不足，唔可以令多方面信服，引起天怒人怨，叻而有政治智慧嘅人會令市民信服，唔會有咁多怨氣。」
何韻詩謂近日聲帶變厚，日前打開聲針演出音樂會後，被歌迷上網大罵，她說：「啲歌迷好激烈，話我唔愛惜自己，打開聲針副作用好大，話下次再打就唔支持我呀。」
採訪、攝影：張俊銘