將於11月與美心集團後人伍偉國結婚的羅寶盈，前晚忽然現身跑馬地一家電品牌活動，剛歐遊回港的羅寶盈不知何故心情極差，為避記者木無表情在場內左閃右避，最後不惜着高跟鞋走樓梯，又亂闖鄰座大廈試酒會。
德國家電品牌Miele前晚在跑馬地舉行酒會，李國寶前媳婦、鷹君集團太子女羅寶盈，忽然現身場內，輕施脂粉的她與友人鬼祟入場，傳媒邀請她影相，她初時詐聽不到，其後又搖頭拒絕，木無表情的在場內左閃右避，最後羅寶盈不惜着住高跟鞋走三層樓梯離開。
闖入試酒會
而羅寶盈離開時亂衝亂走，更因此闖入鄰座大廈的試酒會，連剛到場的周汶錡都為之側目。據知羅寶盈剛與男友、美心集團後人伍偉國歐遊度假回港，心情應該大靚，前晚不知何故非常閃縮，令人摸不着頭腦。
至於一眾到場的名模如周汶錡、陳沛嘉及名媛榮雪梅等，鮮有的不談扮靚，只談家頭細務。周汶錡謂家居生活中，最重視洗衫一環，她說：「我會自己分門別類，分顏色，乾洗濕洗，唔會假手予人畀工人洗，因為我好錫自己啲衫，就算拎去賣二手衫都要乾乾淨淨。」
唔入得廚房
陳沛嘉則笑稱自己是「出得廳堂，唔入得廚房」的女性，她說：「同男朋友拍咗一年拖，我都係蹺埋手等食，佢好叻炒公仔麵、炒飯，有時我收工佢仲會炒好送外賣去我屋企㖭！」陳沛嘉謂半個月前曾一度下廚弄最拿手的梅菜蒸豬肉𠱁男友，但手藝極差，淡而無味，最終要由男友補鑊。
採訪、攝影：KellyCheck
