廠方終於公布咗新一代奧迪RS4嘅Information喇！同以前一樣，新車有齊房車版、Avant旅行車版，還有Cabriolet開篷版，而我最鍾意嘅就梗係至型仔嘅開篷版，因為我唔單止可以開住篷揸去遊車河，最正係台4.2公升V8自然吸氣偈，馬力去到420匹，只可用個勁字去形容。
造型大玩戰鬥格
要從近兩代RS4之中選擇其一的話，我肯定會揀選新近推出的Cabriolet，原因我諗唔使多講，咪就係型囉！淨係睇佢個車頭就已經知道，新款FamilyLook嘅鬼面罩，襯埋RS系列跑車專用嘅頭泵把，還有旁邊嘅拋沙板跟特製18吋專用合金軨，真係型到無人有。
跑車桶Seat是賣點
最吸引我係佢嗰對印有RS4字樣嘅真皮桶Seat，令人坐得好舒服之外，Two-tone顏色嘅車廂編排也是SellingPoint，還有碳纖車廂裝飾，型到爆；再望真啲，哎哋！原來車廂入面仲有各式各樣嘅RS系列跑車專用物品，例如軚環、波棍跟電鍍門檻，真係「跑味十足」喎！
新車所用的引擎，是台Sell自然吸氣的4.2公升V8FSI引擎，最大馬力輸出是多少？答案係420匹，而最大扭力輸出都可以去到430Nm，再配埋6前速手波跟quattro4驅系統，有如此的數據，你還要怕它無力嗎？
記者：鄭達基