無綫新劇《師奶兵團》昨日試造型，鄧萃雯一改過往強悍霸氣形象，飾演屋邨師奶。而飾演落難有錢阿太的葉童更會與鄧萃雯以泳裝亮相，各自率領一班師奶兵團大拗手瓜。
鄧萃雯、商天娥、葉童和謝天華等人昨日在將軍澳電視廣播城，為有份主演的無綫新劇《師奶兵團》試造型，一眾女演員更要揹起劇中的另一半，能夠保持動作最長時間的為之勝出，遊戲寓意現今的師奶是可以揹起重擔。葉童揹起劇中飾演她丈夫的郭政鴻，以15秒時間勝出。
鄧萃雯與謝天華早前合作的劇集《女人唔易做》收視報捷，二人今次在新劇中再演一對，他們否認是因早前《女》劇大受歡迎而被安排再做夫妻，雯女說：「呢套劇係好早之前已經接嘅，不過今次個角色好唔同，冇晒啲霸氣，做個普通師奶，我同咗謝天華講叫佢戲裏戲外都要好好照顧我。」謝天華就笑言今次終於可以制服鄧萃雯，他說：「今次唔做賤Man，係做familyman，雯女終於畀我搞掂啦。」
勸監製改劇情
飾演落難有錢阿太的葉童將會與屋邨師奶在劇中拗手瓜，葉童表示得知要在首集以泳裝亮相而keepfit，她說：「我好明顯係做靚師奶啦，諗住做師奶唔使減肥，我都問監製改吓話我哋比賽跑步，露吓對腳算啦，我入行咁耐真係好少着泳衣。」
採訪：卓美娟
攝影：仇志中
