楊思琦、周汶錡及焦媛前晚錄影《美女廚房》，比拼切燒豬和炸鮮奶。眾女斬燒豬時均雞手鴨腳，周汶錡更弄得肉碎橫飛，不過她在炸鮮奶環節中勝出，楊思琦則炸燶奶，評判謝天華吃了一口便吐出來，驚叫：「外面熱，裏面凍嘅！」
由鄭中基（Ronald）與梁漢文主持的《美女廚房》前晚在電視城錄影，請來楊思琦、周汶錡及焦媛參賽，阮兆祥、謝天華及鄧兆尊則擔任評判，主持之一方力申因出埠工作而缺席。
「好似碎屍案」
當晚三位美女要比拼切燒豬和炸鮮奶，節目開始時，兩位主持作狀熱情地擁抱周汶錡及焦媛，面對楊思琦卻只拱手作揖，Ronald說：「我哋好尊敬家鼎哥，家鼎哥個仔（指楊思琦男友李永豪）好唔好味呀？」思琦尷尬笑說：「佢煮餸好好味，我食佢煮嘅嘢多啲，自己好少下廚。」之後Ronald仍不放過機會，打趣說：「咁你成日食『豪』唔係咁好，考慮吓轉口味啦。」
三女比賽時楊思琦斬燒豬顯得雞手鴨腳，炸鮮奶更炸燶了，遭評判取笑她似放炸彈。試食時，楊思琦尷尬地說：「唔錯呀，入得口，支持吓啦！」不過謝天華剛放入口便吐出來，並說：「外面熱，裏面凍嘅！」焦媛切燒豬雖有板有眼，但切得頗大件，炸鮮奶又炸得溶溶爛爛，至於周汶錡斬燒豬時則切得肉碎橫飛，嚇得她頻頻尖叫，謝天華笑言：「好似碎屍案咁！」
短訊慰問女友
不過周汶錡的炸鮮奶則獲評判大讚，指她入得廚房出得廳堂，成為出線嘉賓，她說：「有時煮嘢食講創意，盲拳打死老師傅，我最叻包餃子。」
提到女友蔡卓妍近日病痛多，Ronald則謂：「我知佢做手術，唔知佢扁桃腺發炎，我會SMS問候佢，祝佢早日康復啦！」續問他會否親自下廚為女友補身？Ronald就說：「唔通煲酸辣湯同羅宋湯害死佢咩，補品我唔識㗎！」
採訪：卓寶花
攝影：陳順禎
