宣萱、歐陽震華、苗僑偉、黃宗澤和許紹雄昨日在西貢拍攝劇集《賭場風雲》一場戶外選美戲，由於昨日下雨，令拍攝現場布滿泥濘，一眾演員都要在泥濘草地上演戲，弄污鞋履，而歐陽震華亦使出搞笑本色，整蠱在場記者，邀請眾人參觀場地，導致記者的鞋布滿泥濘，宣萱亦在旁笑說：「我聽日啲皮膚會好靚，因為我敷咗泥mask。」
怕着泳衣選美
問宣萱當年為何不參加選美？她表示因為欠缺勇氣，故此沒有參加，她說：「嗰時有好多auntie叫我參加，但我怕着泳衣，同埋唔想俾人喺台上攞嚟比較至冇參加，而我好認同爹哋講女仔要讀多啲書。」
苗僑偉在劇中飾演選美評判，問他揀女是否有獨特眼光？他笑說：「呢啲係各花入各眼，我都覺楊怡靚㗎，如果佢去選美，我估佢都入到15名嘅。」
撰文：林妃
