李蘢怡與廖碧兒昨日出席酒吧的開幕儀式，擔任剪綵嘉賓的李蘢怡在現場向傳媒大數前老闆蕭定一的不是，並指對方曾鬧她波大冇腦，令她非常不滿，更大爆蕭定一曾向她的朋友表明如果她胡亂說話，會找人打她及搞她，擺明威脅恐嚇。
李蘢怡（Tiffany）與廖碧兒昨日以剪綵嘉賓身份，在佐敦出席一間酒吧的開幕儀式，一向出席活動都打扮性感的廖碧兒昨日一反常態，穿上時興八十年代的服裝，收起性感，被同場的李蘢怡穿窿裙搶盡風頭，而李蘢怡亦擔任表演嘉賓，即場高歌兩曲，反而近日晉身歌壇的廖碧兒則不用唱歌娛賓。
「我真係好㷫」
在昨日的活動上，李蘢怡發火大鬧蕭定一，她解釋說：「之前我去泰國幫修身堂拍嘢，但當時有周刊指我話蕭定一，其後我返港都有打畀佢，話訪問內容唔係我講，佢當時都話冇嘢，點知第二日我睇報紙，佢話我胸大冇腦，我真係好㷫囉，可能我真係冇阿Rain（李彩華）咁有腦。」
Tiffany續說：「佢仲叫我身邊啲朋友同我講，叫我唔好亂講嘢，仲話如果唔係會搵人打我同搞我。」問她會否擔心被對方搞，Tiffany即氣定神閒說：「我唔擔心，亦唔會報警備案，佢搞我先算啦，不過胸大冇腦唔係佢講囉，人講佢又講。」
否認追求不遂
問Tiffany是否認同不及李彩華般有腦，她說：「我真係冇佢咁有腦。」那麼是否因為她不接受對方追求，才引致事件發展至如此地步，Tiffany說：「冇咁嘅事，佢咁專一。」提及目前與蕭定一的合約糾紛，李蘢怡表示希望今年內可以解決，她稱近來的工作都是自己接洽的。
對於被Tiffany指他恐嚇一事，蕭定一昨晚接受電話訪問時說：「梗係冇啦，有就叫佢快啲去報警，佢都發神經講啲咁嘅嘢，叫佢唔好搵呢啲去做宣傳。」
Tiffany與蕭定一的矛盾源自四月因雜誌報道指蕭定一與拍檔拆夥後，即自組公司，想拉攏Tiffany和王秀琳跟隨跳槽，並不斷大放暗箭，指她們與所屬公司已解約，希望她們乖乖就範與他簽約，而李籠怡當時聞言曾說：「佢敢搞我，我份人唔會畀傳言影響決定，我唔知點解會話我解約，因為重傾緊，我唔想魯莽做決定。」
採訪：駱華齡
攝影：陳慧安
