馮德倫昨日應邀到尖沙嘴行騷搵真銀，與名模Rosemary和AnaR.齊齊示範鞋履。馮德倫站在兩名模之間，不介意身高被比下去，更強調自己以新人價行騷，十分抵用。提到女友莫文蔚下月初生日，馮德倫表示正花盡心思計劃如何給女友驚喜。
名模Rosemary、AnaR.和馮德倫昨日在尖沙嘴海運大廈出席鞋履品牌ECCO夏季巡禮，齊穿上新款鞋履行騷，現場還有外籍女模打扮成藍色美人魚助陣，馮德倫與美人魚合照時，伊人輕輕倚傍着他，表現親暱。
「做導演好辛苦」
馮德倫近日自編、自導、自演的節目《老馮日記》收視和口碑均不俗，他坦言帶來不少搵真銀機會，馮德倫說：「𠵱家多咗廣告商搵我做嘢，做導演好辛苦㗎，搵錢艱難，但我呢啲新人價好抵用，乜嘢都肯試，好似接呢啲行騷工作都好開心，因為自己又唔係模特兒，生得又唔高。」
為女友營造驚喜
然而與5呎11吋的Rosemary和AnaR.的表現相比，馮德倫未算專業，加上個子跟兩位模特兒有少許距離，但他表示並不介意。擇偶方面，可會介意女友比他高，馮德倫說：「唔介意，我高5呎9吋，你哋問吓莫文蔚有冇？我覺得最緊要夾，唔夾都唔會一齊咁耐啦。」
此外，下月二日是莫文蔚生日，雖然日前莫文蔚曾透露男友因要工作未能與她共度生日，但馮德倫昨日卻表示正為女友生日而苦惱，計劃如何跟女友慶祝，相信是想給對方一個驚喜，馮德倫說：「我仲未諗到買乜嘢生日禮物，但最冇驚喜先係驚喜，睇吓到時佢會唔會喺香港先啦。」
採訪、攝影：卓寶花
