盧巧音、名模楊崢和陳嘉容等前晚在金鐘展示自己設計的慈善T恤，義賣為護苗基金籌款。盧巧音謂未來嫁衣都會由自己操刀，不會有過激設計，只求簡單平淡。楊崢則透露蜜運中，拍拖兩個月暫時仍處於觀察期。
意國品牌Max&Co.與《號外》雜誌三十周年紀念合作，前晚在金鐘舉行慈善活動，請來嘉賓包括蕭芳芳、時裝設計師鄧達智、歌手盧巧音、at17、名模楊崢和陳嘉容，分別設計一件以生活原創為主題的T恤，義賣籌款予護苗基金。除護苗基金創辦人蕭芳芳因病缺席，眾人均大談自己的設計。
盧巧音透露花了五日才完成創作，她說：「我諗咗三日、染衫用咗一日，釘珠又用咗一日。件衫前面係一個心，後面係一棵小樹苗，代表要用心栽培先可以種出成果。我以前讀時裝（設計），設計都OK，不過車工就未夠好，所以暫時唔會做時裝住。」問盧巧音可會叫男友EricSo出錢競投，她說：「唔會啦，或者自己投番留念。」
楊崢用情認真
盧巧音又表示將來結婚會自己設計婚紗，她說：「都係以簡單大方為主，唔會搞啲古靈精怪、gothic、rock款，始終結婚係正經事，中式裙褂我都會着㗎！不過𠵱家好多嘢做，結婚真係未有時間表。」盧巧音強調自己思想傳統，會生兒育女。
同場的楊崢則用法文的「東方絲絨」字樣配合黑色喱士設計T恤，還透露與新男友交往兩個月，她說：「都仲係觀察期，感情事梗係希望天長地久，所以我都比較認真㗎！」
採訪：RitaLeung
攝影：RickyChan
