上個禮拜五陽光普照，劉愷威喺下晝四點幾，揸住佢部Audi車喺赤柱正灘出現，佢喺車度邊煲煙邊等人，個款似佳人有約。相隔15分鐘，劉愷威忽然駛到後灘，原來真係約咗靚女呀！
不過，呢名靚女其實係劉愷威拍攝新片《迴路》嘅拍檔，雖然大家係工作夥伴，但嗰日劉愷威實快樂到死啦，皆因劇情講佢食殘廢餐，女拍檔同場送埋波餅，令佢盡享溫柔鄉。
自昅下體
同劉愷威合作嘅女演員英文名Margaret，操普通話，外貌都算甜美，身材仲相當唔錯，當日佢兩個拍攝石灘野餐戲，身穿T恤同短褲仔嘅Margaret要餵瞓喺石灘上嘅劉愷威食薯片，之後劉愷威順勢攬女，同對方身貼身纏綿一番。
其間Margaret彎身拍戲時胸前春光乍洩，睇到劉愷威㷫烚烚，唔知佢係咪出現生理反應，佢不時用手遮掩下身，一時又自昅下體。呢個鏡頭一拍就拍咗八、九take，導演至收貨，明益劉愷威啦！
