煲呔親疏論真係愈講愈胡塗，愈描愈黑，教佢講呢套謬論嘅人肯定想害佢，下次使唔使講血緣論，出到龍生龍，鳳生鳳，黑五類就永不超生。
凡事都冇絕對，為別人戴上一頂「反對派」嘅高帽，然後就不聞不問，實在差矣，況且你聽過有邊個歷史上嘅偉人會將自己嘅人民以及人民代表分門別類未？假假哋你都係一個香港特別行政區嘅首長，一視同仁及平等對待都係好基本嘅原則，一定要死守。
唔怪得白鴿黨前黨魁馬丁聽完煲呔嘅偉論都搖頭嘆息，「佢講咁多十一．五計劃，我仲以為溫總訓緊話。」
原來白鴿黨今次預先張揚要問親疏論，以為煲呔會有啲修正，點知佢愈講愈激，半步都冇退，搞到大家心都實埋。白鴿黨天真啫，又唔識辯駁，一句你有幾多選民基礎就足以打倒煲呔，仲有，五十萬人上街，你話民意係邊一方？
好心就搵人叫煲呔收回套「親疏有別」低B論，再講，大家真係想嘔，整污糟立法會議事堂就唔好啦。
爆料熱線：29290000、27860099
報料傳真：26239278
報料電郵：[email protected]