地產代理牌照，唔好以為好易考，地監局公布，3月份代理考試嘅合格率，營業員試有77.4%，地產代理試只得18.5%，原來淨係得把口，係做唔到代理嘅。
面對考試制度，讀書時期有形形色色嘅補習社，代理行就各自提供專業培訓，好似香港置業咁，佢哋嘅專才培訓中心，會針對性設立一系列課程，最基本係將地監局網上E-quiz嘅練習題目，攞出嚟逐一解碼，間唔中做吓模擬考試，甚至由導師親自畀電話每一個學員，跟進溫書進度等，十足地產代理考試補習社一樣。成績又唔錯喎，3月份個試，港置考生，地產代理試嘅合格率有43%。
美聯方面又點呢？佢哋個美聯大學堂，運作模式同港置嘅差唔多，成績都唔差，營業員試合格率有80%，地產代理試係20%。