今日，孫柏文返工嘅時候，一路喺度諗點樣可以發掘多啲年輕財經口水佬。正當巴士因路面起伏不平，揗到我patpat開花之際，忽然我諗到，只有畀多啲機會啲後生仔發揮，先至可以發掘多啲年輕財經口水佬。當我返到公司之後，我就即刻叫咗我哋公司差唔多最後生嘅寫手來傾偈，傾傾吓我就叫佢寫吓呢期大家都好關心嘅金、股、滙大跌市。以下就係佢對金市嘅評論，同埋我嘅回應。
「正當投資者預期國際金價將再創新高之時，市場再次與人們開了個玩笑。受美元走強以及油價下跌影響，國際貴金屬市場出現大幅回調。金價上演『噴出行情』之後，又急速墜落，從兩星期前的730美元歷史高位，跌到現時的650美元，跌近10%。玩完『過山車』後，大家可能會感到心有餘悸、心力交瘁，恐怕金價一瀉不止，現應立即沽貨離場作止蝕。不過，筆者的建議是，大家可以放心，有200天平均線作支持，待金價大跌後，就趁低吸納賺大錢。」
噴出嘅行情
可能我係個番書仔，「噴出行情」呢個術語，我都要問番佢先至知道係乜嘢，因為對我嚟講，「噴出行情」似形容花旗國CIA對付捉到嘅恐怖分子，多過似形容金市。不過就憑佢一句「大家…就趁低吸納賺大錢」起碼過到我「白銀文」呢關。
「金價下挫嘅原因，只不過是對沖基金在金價飆破700美元之後明顯獲利離場，金價像火箭般在極短線噴出，又會有誰不動心獲利離場呢。筆者認為這次下挫，屬於正常反應，而透過孖展高追買盤的散戶及投資者就難逃損手。金價仍然看好，已經進場的投資者，不必殺出；未入市者可以趁低吸納，等待金價從低位反彈。只要大家耐心等候，一定有所斬獲。
70年代，金價從35美元升至180美元，然後下挫到100美元，之後直線上升至現時的645美元，當中大起大落，不過從近年趨勢來看，200天平均線一直是很好的支持位，未試過失手，現在距離200天平均線的支持位，仍有100美元的下跌空間，所以大家不妨耐心等候，金價弱勢不會持續很長時間，待調整到位後，重拾強勢而補回下跌的價位，並繼續走上升通道。」
後生仔都識
由七十年代到𠵱家，話金價「當中大起大落」，技術上係冇錯。不過有啲番鬼佬話齋，少少understatement。不過我都同意200天平均線係重要，把握到呢個論調，唔錯。咁除咗金市之外，我亦都問佢對於馬時亨局長，叫老人家唔好買窩輪點睇，以下就係佢嘅評論。
「不少散戶投資者都有一個印象，就是視窩輪為一個高風險的炒賣投資工具，隨時連本都蝕埋。其實，窩輪的出現並不是為了炒賣，它本是一種對沖工具，將投資者的風險降低，減少損失。例如，基金公司預計來年港股會上升，於是購入一大籃股票；但要知道，任何分析預測都可能會失手，因為太多外圍因素會令股市波動。於是基金公司為了減低投資風險，就會買入一定的窩輪（沽空恒指），來減低損失。」
好、好！希望馬局長明白到，水能載舟亦能覆舟，一個連後生仔都講得出嘅評論。最後，希望大家可以上《蘋果日報》嘅網站，來到一頁最下面，「我的意見」嗰度，畀啲評語孫柏文同我個同事。
孫柏文