英皇新人泳兒噚日到商台接受《叱咤樂壇》訪問，唔少新人出道會問公司或者屋企人借錢，泳兒就話佢冇乜向公司借錢，反而就同媽咪伸大手板借錢，佢話：「之前做嘢都有儲到啲錢，不過每個月學唱歌、跳舞，仲有生活費等，每個月都要問媽咪借成萬蚊，所以𠵱家自己要努力搵錢，希望可以快啲還晒啲錢畀媽咪啦。」