專程帶團到泰國曼谷出席四面佛開光及歸位儀式的狄波拉（拉姑），前日儀式結束後，曾笑言晚上會跟菩薩開party，沒想到拉姑原來說話當真，晚上她帶備四、五隻乳豬及生果等大批貢品到四面佛還神，且安排舞獅助興，場面猶如嘉年華會般熱鬧。 泰國直擊
狄波拉於前晚香港時間七時許（泰國時間晚上六時），偕同丈夫鬍鬚Kong和王賢誌等親友，再到四面佛參拜，大抵因為四面佛已經順利歸位，拉姑心情明顯較上午時輕鬆和興奮。
拉姑與鬍鬚Kong一到場後，立即去購買香燭，又一早預備了四、五隻乳豬和生果，記者問拉姑是否一如她上午所講，預備祭品跟菩薩開party時，拉姑即更正說：「唔係祭品，係貢品。」
心情勁靚任影
由於現場人頭湧湧，地面又因為之前落雨關係又濕又滑，是以拉姑與鬍鬚Kong僅能上香及獻上貢品，未能像大前晚般跪地叩拜。其間拉姑見鬍鬚Kong捧着乳豬遲遲未有人理會，於是主動走上前叫工作人員接乳豬，以免丈夫呆等，認真體貼。
拉姑還安排了一紅一黃醒獅助興，記者要求拉姑跟醒獅合照時，心情勁靚的她，竟調皮地捉住大頭佛的大葵扇任影唔嬲。
冇拜佛肚子痛
明年是拉姑拜四面佛四十周年，問她會否大事慶祝時，拉姑說：「都唔會，菩薩最緊要多啲香火，多啲人拜。」
至於王賢誌則表示拜四面佛已達十年，他說：「每次拉姑帶團拜四面佛，媽咪都有去。記得有年跟埋佢哋嚟旅行，但就冇拜佛，點知食完海鮮餐後，我個肚痛得好利害，其他人就全部冇事，媽咪話我梗係入屋唔拜神，第日我即刻走去拜，點知拜完之後真係冇事，自此之後我就信咗。以前佛誕都未有噚日咁多人，好在拉姑安排有啲位坐，如果唔係一定熱死。」
採訪、攝影：娛樂突發組、藍文浩
