電腦男噚日話明一連幾日講3大主機優劣走勢，打頭陣梗係人氣、期待度均爆燈嘅任天堂Wii啦！不過今時今日，電腦男仲長篇大論講任天堂部Wii幾有創意，似乎真係Out到唔恨，反而想講吓其他廠商對Wii嘅反應。
從呢段時間一堆廠商陸續公布唔同新Game將推出Wii版，都見到所有Game為Wii加入獨特玩法；《勇者鬥惡龍》、《炸彈人》等爭相宣布推出Wii版，遊戲製作人得到全新做Game方向，突破沉悶多年追逐畫面刺激嘅死胡同。一眾Wii遊戲未公布詳情，各機迷已預計到當中好玩有新意嘅地方，相信到Wii正式登場後，古怪好玩點子只會愈嚟愈多，情形就等同NDS嘅雙芒及TouchScreen一樣，帶出一股全新玩Game風氣。
電腦男已放下GC年代冇Game啱玩嘅怨念，留定錢等買Wii，不過最期待嘅，係如GC般推出NDSPlayer，可以喺Wii度玩番NDS嘅Game。
明日預告：Wii未能全勝之原因
你有嘢講？即管來稿，刊登嘅話仲有遊戲精品送番畀你，仲唔快手動筆？
來稿要點：
＊稿件字數不可超過500字，本欄有絕對刪改權。
＊每段稿件請集中評論，歡迎多段式投稿。
＊稿件可電郵至[email protected]
＊請註明簡單個人資料，如筆名、聯絡方法等。