人人都知無綫高層樂易玲係虔誠嘅基督教徒，佢一向都好熱心向身邊嘅人播道，唔少無綫藝人同員工都因為佢而信主。早排樂小姐又同成班藝人喺尖沙嘴出席一個分享會，許志安就跟咗蔡少芬去參加，當樂易玲講完自己嘅見證後，安仔就話深受樂小姐嘅經歷感動，第一時間舉手話要決志入基督教，投向神嘅懷抱，好多佢嘅朋友都話睇唔出佢會信教。
勁落鞋油
其實安仔人氣下滑都有好幾年，雖然至今未有起色，不過佢依然冇放棄，繼續好努力咁希望爬番出谷底，今年佢加盟東亞唱片，正式埋林建岳堆之後，嚟緊又將會拍由胡杏兒擔正嘅無綫新劇《肥田喜事》，馮仁昭就不時聽到佢狂向無綫落鞋油，既然𠵱家安仔同樂小姐做咗教友，唔知樂小姐以後會唔會對佢多啲關顧，帶領呢隻迷途小羔羊，向住光明嘅路途進發呢？
