卓，我覺得你跟Chris都好過份，甚麼叫揀錯車、甚麼叫「兜路王」呀，叫我幫手整車嗰陣就好聲好氣，無事嗰陣就喺度寸寸貢，係咪撩交打呀！仲有呀，卓你話我開車不暢順，仲咒我第2套Clutch好快玩完？哈，你又好我好多咩？當年跟你和一班同事開車到石澳吹吹水傾吓偈，你咪又係咁危險。
你哋全部都係以合法車速往前走，但聽聞你在過彎會突然加速，「興奮」過後便會突然慢下來，究竟你知唔知咁做好危險㗎，你老哥嗰時揸住部Ka仔未換避震，4條胎又唔多夠氣，再加埋高速（所謂！）過彎，好容易會搞到推頭失控，隨時累人累物㗎！叫你Check胎氣你又唔Check，仲要懶勁咁行先（雖則肯定唔係車貼車嗰種跟！），但跟你尾嗰個就真係慘囉，彎前突然加速，彎尾就突然踩Brake收慢，真係俾你嚇死。
睇嚟當年我哋幫你改「彎路王」呢個花名，真係一啲都無改錯，事關連揸標致206GTi那位朋友都大聲話你贏晒，問你死未！唔該你都係收聲吧喇，「彎路王」！
記者：鄭達基