雖然成日落住雨，香港仔海濱公園噚日朝都好熱鬧，因為四大黨都人馬叠叠到齊，余若薇、馬丁、楊森、梁劉柔芬同蔡素玉都喺晒度，原來係響應南區區議會，爭取地鐵通去南區。
唔知係咪出門口好趕時間，平時都好整齊嘅馬丁，佢條西褲左邊腳竟然攝咗入隻襪裏面；楊森唔知係咪冇帶遮，條褲就濕咗一撻撻；成日都靚靚嘅余若薇，條手袋帶又無端端sir咗落嚟，真係幾搞笑。
自由黨一直盛傳劉健儀會落港島區直選，但噚日自由黨唔見劉健儀，淨係見到唔會去直選嘅梁劉柔芬。唔知係咪自由黨擔心劉健儀食唔到范太啲親北京婦女票，不如搵個左啲嘅梁太落嚟，增加勝算？之後佢哋成班人上晒架開篷巴士，喺區內搞民意，實行同煲呔較高低。
周志鴻攝
傳真︰2623-9278
電郵︰[email protected]
