以每周計，港股連跌兩周，前周恒指唔見112點，上周再失588點。全球股市打冷震，港股難免向下。商品炒到出煙之後，有燶味，例如銅價1周跌幅10%，金價唔見8%。商品價格回落係好事，令人覺得通脹壓力冇咁大，國際息口上升壓力亦冇咁大。
美股上周五冇再跌落去，全球股市經一番下跌之後，估計會有多少反彈。
恒指C輪4506：博大市反彈，買恒指C輪，揀4472。隻輪7月尾到期，輪價25.5仙，溢價2.8%，槓桿率16.8倍（有效11.2倍），引伸波幅22.4%。隻輪街貨唔多，得0.2%；少街貨嘅輪，未必人人鍾意，因為驚住輪價未必跟足恒指走動。
想搵街貨量適中嘅恒指C輪，可以諗4506，隻輪街貨37%，7月尾到期，輪價16.3仙，溢價3.3%，槓桿率25倍（有效14.4倍），引伸波幅19.3%。
長實C輪2234：周末樓盤唔多賣得，對地產股本來應該有啲不利影響。但地產股近期調整已深，反為有機會反彈，搵地產C輪短炒值得諗吓。
吼長實C輪2234，隻輪7月上旬夠鐘，輪價24.5仙，溢價4.6%，槓桿率34.1倍（有效15.8%）引伸波幅23%。
輪市焦點，唔係喺長實（001）身上，長實C輪值得望多兩眼者其實唔多，2234算係其中之一。
章盛