黃伊汶和2R等前晚在銅鑼灣，出席陳欣健女兒陳早茵與賭船大亨紀寶的兒子紀英華合資店舖的開幕酒會，陳早茵的密友韓君婷剛落機來不及到場。
「朋友迫佢食嘢」
以往有籮霸之稱的韓君婷近日激瘦，陳早茵卻肥了不少，她說：「係呀，佢瘦咗好多，佢做得太多劇烈運動，朋友都迫佢食嘢。」對於經常被拍得與韓君婷出雙入對，陳早茵說：「冇辦法，因為佢係公眾人物，我都成日同唔同嘅朋友出入，不過你哋影唔到啫。」
有份出席活動的2R表示愛畫抽象畫，Race自爆曾收過男生示愛畫，她說：「我欣賞佢咁有心。」問到揀男友條件，Race說：「要有安全感同有幽默感，仲要識𠱁我開心。」若男方一腳踏兩船，Rosanne則說：「呢個唔係最重要。」
採訪：駱華齡
攝影：陳慧安