背後意思，其實都係話:內地企業對香港愈嚟愈舉足輕重。今年，出現咗「第一屆資本中國傑出企業成就獎」，呢個頒獎禮今晚喺中環麗嘉酒店舉行，搵嚟葉澍堃葉局長致辭。華華收到料，知道有邊幾間得獎。 個頒獎禮由《資本雜誌》搞，共頒出14個獎項，表揚呢14間內地企業，傑出銀行有建行；傑出保險公司梗唔少得國壽；傑出電訊企業囉喎，點可以冇中國電信；傑出電腦硬體製造商當然係聯想；傑出環保企業，哦，係中國光大國際；傑出天然氣供應商就畀中國天燃氣攞到……總之各得獎者都可以話係行內龍頭，絕冇爆冷。