劉天蘭最近為亞視主持一個幫人扮靚嘅節目，節目播咗幾集，佢嘅形象已經深入民心，噚日佢更去到荷里活廣場派傳單，叫女士參加佢嘅扮靚嘅節目，嚟緊劉天蘭仲會向難度挑戰，佢話：「有集會幫個180磅嘅女仔做image，其實我想講肥都可以靚。近年風氣係唔減肥係萬惡不赦，真係害咗唔少後生女㗎，我好想話畀大家知，每個女仔都可以靚。」